Moto Mods真係有用?定有撚用呀?

Moto Mods真係有用?定有撚用呀?

即係咁,Moto Z又真係幾型既,部機咁撚薄,規格又有咁上下,仲玩埋連Google都唔玩既模組設計(係呀,Google果個Project Ara丫嘛,大家都係模組,不用分得那麼細)。不過個定價真係………嚇撚死你。

得果幾樣比人揀,又冇咩有咩後繼,想氹人落搭?難D掛!
得果幾樣比人揀,又冇咩有咩後繼,想氹人落搭?難D掛!

你話部機用S820、有4GB RAM、又用2K屏幕又有指紋又有快充,貴少少冇問題。最慘係果啲Moto Mods咁撚死貴,佢老味個電池背模組開$899,喂呀得果2,xxxmAh,我買個外置插線充電唔好?跟手個Hasselblad True Zoom模組本來大家都好期待,嘩哈蘇喎應該爛船都有三斤釘啦。屌,出來只係普通料,10倍變焦又點,賣成$3,399點撚樣叫人出手呀,比幾千蚊買個淨係響呢部機用既相機模組,我出去買部細相機用下唔好?佢老味呢個價真係On鳩鳩。仲有個投影模組,唔撚知出來做乜,投撚到70吋大又點撚樣,又朦又唔夠光,當平時開P做Party light呀?仲有樣好笑就係,Motorola出完呢幾隻Moto Mods後就好似無以為繼,冇聲氣有其他人幫佢出呢D野,外國仲話Motorola要夾Verizon同Indiegogo搞新玩法,叫人度下新既Moto Mods出黎,睇得起你就可以立錢將件貨變成真再在Verizon舖頭入面賣。丫屌,你出之前唔係會搵多幾間幫手出Moto Mods既咩,而家叫人度橋睇下有乜搞作,其實有冇心搞好佢架。

Facebook Comments